اسئلة بتعصب

????: زائر

مساهمة رقم 1

اسئلة بتعصب

مُساهمة من طرف ???? الأحد نوفمبر 01, 2009 3:18 am

متسطح بتختك ونايم .... مطفي الضو ومتغطي باللحاف... بيجي واحد من أهلك بيفتح الباب ويقول:شو نايم ؟؟

لأ !! عم ارقص.. بس الوضع بيوحي إني نايم

*معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه جيتوا ؟؟؟
لا والله بعدنا عالطريق، في عجئة!

لابس أحلى ثيابك ومتعطّر وشايل مفاتيح السيارة وجزدانك ورايح لبرات البيت،...... بيجي حدا من أهلك بيسألك:
شو رايحلك شي مشوار!!؟؟
لا والله طالع عالسطح صلّح الدش؟؟؟

حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى وجهه ملامح الإستغراب والدهشة: بدك تحكي بالتلفون؟
لأ! أبداً !!! بس كنت عم عد أزرارو! بركي ضاع شي واحد ؟؟؟

حاطت راسك ونازل بهالكتب والدراسة، بيجي أبوك أو امك...: عم تدرس؟
لا والله! ... عم غير زيت للسيارة!

( تطلع بالباص) وبتطلع خمسماية ليرة.......... وبتعطيها للسايق
وبكل برودة بيسئلك: واحد؟!!

لأ والله !!! 60 واحد؟ ورجعلي الباقي !!

بدك تنزل من الباص ...بتقللو:عاليمين وحياتك .... بتتلقى الرد: نازل؟!!
لأ والله... بس عم جرّب صوتي!